ПРИГЛАШАЕМ ПОСЕТИТЬ НАШ КОВОРКИНГ-ЦЕНТР В МИНСКЕ! Для жителей Пуховичского района БЕСПЛАТНО!

Деловая площадка или поликлиника: в Руденске никак не могут присвоить необходимый статус местному бизнес-инкубатору

Стаць на крыло

У краіне дзейнічае ўжо больш за два дзясяткі бізнес-інкубатараў — супольнасцей падтрымкі прадпрымаль­ніцтва, якія дапамагаюць пачаткоўцам рабіць у бізнесе першыя крокі. Паступова растуць і развіваюцца такія структуры і ў рэгіёнах. Пасёлак гарадскога тыпу Рудзенск быў запланаваны як перспектыўны горад-спадарожнік Мінска. З пункта гледжання развіцця прадпрымальніцтва і геаграфіі месца зручнае: да сталіцы ўсяго 40 кіламетраў. Задума зрабіць тут індустрыяльную пляцоўку для размяшчэння дзясятка вытворчых пляцовак з ільготнымі ўмовамі дзейнасці — выдатная ідэя. Але бяда ў тым, што цалкам ператварыць яе ў жыццё не вельмі атрымліваецца. Дзелавая ініцыятыва ўперлася ў рэальную замінку — змяніць мэтавае прызначэнне выкупленага пад кузню маладых прадпрымальнікаў збудавання не атрымліваецца. У падрабязнасцях разбіралася карэспандэнт «Р».

Часть статьи взять с сайта газеты “Республика” по ссылке: https://www.sb.by/articles/stats-na-krylo45.html

Ход па крузе

Яшчэ ў 2012 годзе ў сербскіх інвестараў з’явілася думка стварэння ў самым цэнтры Рудзенска інкубатара прадпрымальнікаў. Яны выкупілі на аўкцыёне памяшканне былой паліклінікі на Ленінскай вуліцы з участкам зямлі, але разам зарэгiстравацца ў iх не ўдалося: складанасці пры афармленні расцягнуліся на цэлую пяцігодку.

Самае цікавае ў гэтай гісторыі тое, што ў цэнтры Рудзенска бізнес-інкубатар ужо ўзведзены і цалкам адрамантаваны. Тут праходзяць значныя дзелавыя форумы — не толькi рэгiянальнага маштабу, але i ў фармаце ўсёй краiны. Праблема ў тым, што змяніць мэтавае прызначэнне збудавання да гэтага часу немагчыма, бо на паперы гэты будынак па-ранейшаму пазначаны як паліклініка. А ва ўстановах аховы здароўя адкрываць вытворчыя плошчы і здаваць у арэнду памяшканні заканадаўства забараняе.

Алена Яшовіч, дырэктар біз­нес-інкубатара, праводзіць нас па будынку, дэманструючы фотагалерэю ранейшых старых сцен. Гісторыя ператварэння рэгіянальнага памочніка бізнесу доўгая. Пасля выкупу ў 2013 годзе капітальны будынак і зямельны ўчастак, што прылягае да яго, прайшлі дзяржрэгістрацыю. Паводле праваўстаноўчых папер аказалася, што межы і канфігурацыя зямельнага ўчастка, план збудавання па тэхпашпарце  няправільныя. Чамусьці межы зямельнага ўчастка былі зрушаны, а ў тэхпашпарт памылкова не ўключылі падвал, вокны, частку апорных канструкцый і іншае.

Што ж пакупніку ў дадзенай сітуацыі нестыковак заставалася рабіць? Быў зроблены паўторны абмер, а праз паўгода прыйшоў афіцыйны адказ ад УП «Праектны інстытут Белдзіпразем», у якім гаварылася аб тым, што аднавіць межы зямельнага ўчастка немагчыма.

Пасля працяглых зваротаў ва ўсе адказныя інстанцыі толькі ў жніўні 2015 года заснавальнікі ажыццявілі працэдуру паўторнай дзяржрэгістрацыі капітальнага збудавання з карэктнай плошчай — звыш 730 «квадратаў», а таксама ўчастка з плошчай 0,3012 гектара. Нарэшце адбыліся абследаванне і ацэнка тэхнічнага стану канструкцый, электрамантажныя працы. Але ў гісторыі гэтай раптам з’явіўся яшчэ адзін непрыемны сюрпрыз.

З лютага 2016 года будынак уключылі ў пералік  капітальных пабудоў, якія не выкарыстоўваюцца. У дачыненні да іх у 10 разоў (!) павысілася стаўка падатку на нерухомасць і зямлю. Інвестары звярнуліся ў Пухавіцкі райвыканкам з прапановай змяніць мэтавае прызначэнне аб’екта з паліклінікі на будынак адміністратыўны ў адпаведнасці з Дэкрэтам Прэзідэнта № 7 «Аб развіцці прадпрымальніцтва», але атрымалі ад варот паварот. Прычына адмовы: аб’ект не адпавядае тэхпашпарту. Але тады якому з іх, калі ні адзін з вырабленых не адпавядаў рэчаіснасці, што пацвярджаецца экспертызамі?

Алена Яшовiч узгадвае, як хадзіла па крузе ў пяць розных інстанцый з вялізным пакетам дакументаў, але, стукаючы ў чарговыя дзверы, чула адмовы.

Перамога, а не проста ўдзел

На выпраўленне чужых памылак у дакументацыі было выдаткавана шмат энергіі і часу. Бізнес-інкубатар афіцыйна запрацаваў толькі ў 2018 годзе. Адзін з яго заснавальнікаў Міамір Біджоўскі прызнаецца:

— Для мяне паняцце «мэтавае прызначэнне» не зусім зразумела. Ва ўсім свеце прыняты іншы падыход: калі прыватная асоба альбо прадпрыемства набылі збудаванне, то могуць распараджацца ім па сваім меркаванні. Асабліва актуальна пытанне ўздымаецца з пачаткам ацяпляльнага сезона, калі рызыка адмовы ў падключэнні ацяплення можа пацягнуць за сабой незваротныя наступствы для дарагога аздаблення ў будынку.

Так выглядае будынак кузні прадпрымальнікаў сёння.

Кіраўнікі бізнес-інкубатара жартуюць, што беларуска-сербскаму праекту можна надаць статус «паліклінікі бізнесу». Аднак для жыцця назву выбралі зусім іншую — «Уін», ад англійскага дзеяслова to win — «перамагаць».

Як толькі пераступаеш парог бізнес-інкубатара, заўважаеш урачысты інтэр’ер, беласнежныя велічныя калоны, люстры і аб’ёмную прастору ўсяго памяшкання.

Як лічаць заснавальнікі «Уіна», гэта толькі спрыяе волі да перамогі і прадпрымальніцкай ініцыятыве  ў іх падапечных, з’яўленню новых праектаў.

Алена Яшовіч кажа, што ў назве прадпрыемства нездарма закла­дзены пазітыўны сэнс:

— Мы перажылі цяжкія часы, загартаваліся, як кажуць, і можам падзяліцца сваімі ведамі і ўменнямі з іншымі. Крок за крокам наш інкубатар ператвараўся ў сучасны дзелавы комплекс. Атрымаўся ўнікальны цэнтр, дзе так шмат святла і прасторы. Тут у галовах новых прадпрымальнікаў наво­дзяць парадак з хаосу розных задум бізнесу. Пачаткоўцы прыходзяць у асноўным па рэкамендацыі, комплексную дапамогу юрыста, бухгалтара, маркетолага.

……

Читать статью полностью можно по ссылке:
Газета Республика о бизнес-инкубаторе УИН